He kōrero mō mātou 

Colonial Museum, Wellington 1865, O'Brien, George (1821–1888). Acquisition history unknown. Te Papa
Colonial Museum, Wellington 1865, O'Brien, George (1821–1888). Acquisition history unknown. Te Papa

 

Ko te tipuna o Te Papa ko te Colonial Museum, he whare iti noa, he mea hanga i te rākau i tuwhera i te tau 1865. Huraina ngā kōrero mō mātou mai i ēnei pūtake iti ki te whare whakahirahira o nāianei. Tirohia te whakarerekētanga o ō mātou ingoa me ō mātou kaihautū i te wā – me te tikanga o te ingoa o nāianei.

1865 ki ngā tau o 1930 – he tīmatanga whakaiti
1930 ki ngā tau o 1970 – te whare i Buckle Street
1980 ki 1989 – he wā hei whakarerekē
1990 ki 1997 – ka ara ake a Te Papa
1998 – ka tuwhera a Te Papa
Ō mātou ingoa me ō mātou kaihautū huri noa i te wā
Te tikanga o Te Papa Tongarewa

1865 ki ngā tau o 1930 – he tīmatanga whakaiti

I huaki te whare iti o te Colonial Museum ki muri i ngā Whare Pāremata i muri tata iho i te nukutanga o te Pāremata ki Te Whanganui-a-Tara i 1865. Ko Sir James Hector te kaihautū tae noa ki 1903, ka huri ki a Augustus Hamilton hei kaiwhakahaere. I te tau 1907, ka tapaia te Whare Taonga ko te Dominion Museum.

I tēnei wā anō i te tipu te whakaaro kia tū he whare toi ā-iwi ki Te Whanganui-a-Tara. I te tau 1913, ka whakaritea e te Science and Art Act he wāhi mō te whakatū i te National Art Gallery i roto i te whare. Engari i tae rawa ki te tau 1930 kātahi anō te whakaaro ka whai kiko i raro i te National Gallery and Dominion Museum Act.

1930 ki ngā tau o 1970 – te whare i Buckle Street

I tuwhera i te tau 1936 he whare hou mō te Dominion Museum me te National Art Gallery hou ki Buckle Street, i Te Whanganui-a-Tara. I uru mai ki roto i a ia te New Zealand Academy of Fine Arts. Ka hokona ō rātou whenua, ka tukuna ngā hua ki te rōpū hou. I te tau 1972 ka huri te Dominion Museum ki te National Museum.

1980 ki 1989 – he wā hei whakarerekē

Kāore i kapi rawa te whare i Buckle Street, ā, ka tae ki ngā tau o 1980 e kikī ana te whare. I tino warea te National Art Gallery i te takarepa o te whare.

Ko ngā whakahaere o te National Museum kua tae ki te wā kia āta tirohia. Ahakoa i arohaina te Whare Taonga i ngā tau roa, kua kore ia e āhei ki te tū hei kanohi mō ngā rerekētanga o te hapori. Kua rerekē te āhua o te iwi, pērā anō ngā whakaaro mō te hītori me te tuakiri o Aotearoa.

I te tau 1988, ka whakatūria e te Kāwanatanga he Project Development Board mō te whare taonga ā-motu hou. Haere ai te rōpū nei ki te motu, tae atu ki ngā iwi, me te kimi i ō rātou whakaaro mō te whare taonga. Ka puta mai i ēnei toronga ko ngā whāinga mō te Museum of New Zealand Te Papa Tongarewa (Te Papa).

Tirohia te tikanga o Te Papa Tongarewa.

1990 ki 1997 – ka ara ake a Te Papa

I te tau 1992, ka tau te Museum of New Zealand Te Papa Tongarewa Act. Ko Te Papa:

  • ka whakakotahi i te National Museum me te National Art Gallery
  • ka whakakotahi i ngā kohinga o ngā whare e rua kia puta ai ngā kōrero o Aotearoa mai i ngā mātauranga o aua whare
  • ka toro te ringa ki te Tangata Whenua (Māori, ngā iwi taketake o Aotearoa) me te Tangata Tiriti (ngā iwi nā ngā tikanga o te Te Tiriti o Waitanga i āhei rātou te uru mai ki Aotearoa)
  • he mana tōna reo
  • ka tū hei kanohi mō, ā, ka inoi ki ngā iwi whānui ake o Aotearoa
  • he wāhi hui, kōrero, matapaki, tautohe, me te whakanui
  • ka hono i āmuri, ki nāianei, ki āmua.

1998 – ka tuwhera a Te Papa

I te 14 o Pepuere 1998, ka huaki a Te Papa ki Cable Street i Te Whanganui-a-Tara – te wā i whakaritea me te pānga tika ki te pūtea. E 4 tau tōna hanganga.

Ētahi atu kōrero mō te hoahoa me te hanga o te whare.

Mai i tōna tuwheratanga, kō atu i te 15 miriona tāngata kua tae ki te Whare Taonga. Ko tā mātou whakaputa i ngā kōrero mai i ngā āhuatanga maha rawa kua mau kē ki rāwāhi, tae atu hoki ki tō mātou kaingākau ki ngā tikanga e rua. Engari ka haere tonu te wero – kia noho pono ki te hapori kia noho tika i roto i tēnei ao hurihuri. 

Te Papa's opening on 14 February 1998
Te Papa's opening on 14 February 1998