Aronga hapori 

The Mixing Room
Kuhunga ki te whakaaturanga The Mixing Room kei Papa 4
Hoatu ki te blog o The Mixing Room

He kaha a Te Papa ki te mahi i roto i te hapori. Tētahi o āna whāinga nui, kia tū hei kanohi, ā, ka inoi ki ngā iwi whānui ake o Aotearoa. He wāhi pai mō tēnei ko te Community Gallery. He pakari anō ō mātou here ki ngā iwi o Te Moana-nui-a-Kiwa – he mihi ki te whai wāhi o Aotearoa i roto i Te Moana-nui-a-Kiwa.

Nō te hapori tonu a Te Papa. Ko tētahi whāinga matua he whakatinana, he whakaatu hoki i ngā tini hapori o Aotearoa. Ko tō mātou Whakaaturanga ā-Hapori te whakatinanatanga o tērā whāinga. He taura here anō o Te Papa ki ngā hapori nō ngā moutere o Te Moana-nui-a-Kiwa.

Whakaaturanga ā-Hapori

He wāhi te Whakaaturanga ā-Hapori o Te Papa nō te whakaaturanga Uruwhenua. E whakaatuhia ana ngā tini kōrero o ngā hapori maha o Aotearoa.

Ia 18 marama ki te 2 tau, ka whai wāhi mai tētahi atu hapori ki te whakaatu i tana kōrero. Ka āta mahi tahi a Te Papa me taua hapori hei whakawhanake i te whakaaturanga.

Koinei ngā hapori o Aotearoa kua whakaatuhia, ko te Hainamana, ko te Tatimana, ko te Iniana, ko te Ītāriana me te Kotimana. Ko ngā rerenga i Aotearoa te kaupapa o te whakaaturanga, The Mixing Room.

The Mixing Room i mahi tahi a Te Papa me ngā rerenga rangatahi nō ngā hapori 27 puta noa i Aotearoa hei whakaatu i ā rātou ake kōrero mā te mahi toi, mā te whitiāhua, mā te mōteatea me ngā pāpāho matihiko.

Hoatu ki te blog o The Mixing Room

He Pou Herenga Waka nō Te Moana-nui-a-Kiwa

He whānui ngā hononga o Te Papa ki ngā hapori o te Moana i Aotearoa, i rāwāhi hoki.

  • Ka mahi tahi ngā kaimahi nō Te Moana-nui-a-Kiwa me ngā hapori nō reira hei whakawhanake, hei manaaki i ngā whakaaturanga – pērā i te Tangata o le Moana: Te kōrero o ngā Iwi o Te Moana-nui-a-Kiwa i Aotearoa.
  • hai wāhi mai ngā tāngata o Te Moana-nui-a-Kiwa ki ngā whakaputanga me ngā kaupapa maha o Te Papa.
  • Ka kauhautia ō rātou nā take e ngā kaimahi o Te Moana-nui-a-Kiwa i waho atu i Te Papa.
  • E hia kē ngā rōpū, ngā pūkenga me ngā rangatira nō Te Moana-nui-a-Kiwa ka pōwhiritia e Te Papa.

Mō te roanga atu o ngā kōrero tirohia te 2004 report Pacific Peoples and Te Papa: Community Activities and Consultation Since Opening 1998 (PDF, 131kb).

Pānuihia te kōrero mō Tangata o le Moana, tō mātou whakaaturanga mō ngā tāngata o Te Moana-nui-a-Kiwa i Aotearoa.
Tirohia ngā taonga kei te kohinga o Te Moana-nui-a-Kiwa.
Tirohia tā mātou maramataka mahi.