Ngā iwi me ngā whare taonga 

Te Papa photographer, Michael Hall, delivering a photography workshop.

Ko te National Services Te Paerangi te wāhanga o Te Papa mahi ai me ngā whare taonga, me ngā iwi, me ērā atu momo rōpū o Aotearoa. He Kaupapa Whakaaturanga ā-Iwi anō tā Te Papa. Tāpiri atu, ko mātou kei te kawe i te whakahokinga mai o ngā kōiwi tīpuna ki ō rātou papakāinga mā roto i te Karanga Aotearoa Repatriation Programme.

National Services Te Paerangi 
Kaupapa Whakaaturanga ā-Iwi
Karanga Aotearoa Repatriation Programme

 

National Services Te Paerangi

Mahi ai a National Services Te Paerangi me ngā whare taonga, ngā whare whakaatu, me ngā iwi, me ērā atu momo rōpū o Aotearoa. Kei te tautoko mātou i ngā rōpū nei kia āhei rātou te whakahaere i a rātou anō, ā, mā tenei mahi tahi ka hikitia ngā whakaratonga a te whare taonga.

Tirohia he pēhea tā mātou āwhina, mā te tuku rawa me te whakaako, mā te tuku pūtea me te tohutohu, me te kimi wāhi hei mahi tahi. Kuhua ngā rawa whāiti me te maramataka mahi. Rapua mātou, me pēhea te whakapā mai. Pānuitia ngā kōrero o te wā.

He pārongo anō (English)

Kaupapa Whakaatu ā-Iwi

Whai wāhi ai ngā iwi i te Kaupapa Whakaatu ā-Iwi ki te tāpae i ā rātou taonga me ā rātou kōrero ki te motu. Ko ngā taonga nō ngā kohinga ā-iwi kei Te Papa, nō ētahi whare taonga kē rānei puta noa i Aotearoa.

Mahi tahi ai ngā iwi me Te Papa ki te hoahoa i ngā whakaaturanga mō te Iwi Gallery. Ka haere ana ngā whakaaturanga, ka noho mai ngā kaumātua i te whare taonga. Ka kawea e rātou ngā tikanga i runga i Te Marae, me ētahi atu mahi.

Anei anō ētahi kōrero mō Te Marae, te wāhi hui ai te iwi ki Te Papa.

Ko te Kaupapa Whakaatu ā-Iwi he mea hira mō te puaki i te mana o te taonga – te wāhi ki ngā hapori mō te whakamārama me te tiaki i ngā kohinga taonga. Ko tēnei whakaaro te whāriki mō te tiaki a Te Papa i ngā taonga katoa.

Whakaaturanga ā-iwi o mua

Mō Tātou: Ngāi Tahu Whānui Exhibition – 8 Hurae 2006 ki 9 Akuhata 2009
Te Awa Tupua: The Whanganui Iwi
– 29 Noema 2003 ki 27 Mei 2006
Tūhoe: Children of the Mist – Noema 2001 ki Noema 2003
Te Aupouri Iwi: People of Smoke and FlameAkuhata 1999 ki Oketopa 2001
Te Ātiawa – Pepuere 1998 ki Akuhata 1999

Karanga Aotearoa Repatriation Programme

 Ko te whāinga o te Karanga Aotearoa Repatriation Programme he whakahoki mai ki ngā iwi o konei, ngā kōiwi Māori me ngā kōiwi Moriori kei ngā whare whakaatu i rāwāhi. Mahia ai tēnei mahi e Te Papa mō te Kāwanatanga nāna te pūtea. Ko te iwi tonu kei te hāpai i te kaupapa nei.

He pārongo anō