Ko 


Ko

Ka whakaritea te kō ki te tipitipi. Koianei te taputapu ahumāra Māori e tino kitea nuitia ana, e tino whakamahia nuitia ana hoki. I whakamahia noatia hei whakakaewa i te oneone, ā, i maha ōna āhua, roanga hoki. I hangaia i te whānuitanga o ngā momo rākau i runga anō i te āhua o te oneone me ngā hiahiatanga o ngā kaiwhakamahi.
I whakamahia te kō me te teka hei kāheru ki te hurihuri i te oneone uka. I whakamahia te kō kore teka ki te whakakaewa i te oneone i roto i ngā rua pou. I āta whakairohia ētahi kō mō ngā take whai kawa, ā, i whakamahia e ngā tohunga ki te whakahaere i ngā ritenga e pā ana ki te whakatō tipu kai.