Hue 


Hue

Kō Hine Pū te Hue, te kaitiaki wairua o te hue, he huawhenua āhua rite ki te roroa te hanga, nā te Māori i mau mai, ka whakatōhia. Ko Hine Pū te Hue he tamāhine a Tāne-Mahuta. Ka whakamaroketia te hue, ka tangohia ngā kai o roto, ka whakamahia hei kawe wai māori, hei huahua kai ranei. I whakamahia ngā mea iti ake hei pupuri wai kakara i roto. I hangaia hoki ngā taonga puoro ki te hue, pērā i te hue-puruhau (e whakaaturia nei), te kōauau ponga ihu, te poi āwhiowhio, me te hue-puruwai.
 
Kei te mōhiotia anō a Hine Pū te Hue mō te whakamārie āwhā. Kei te tino mārie te puoro o te hue pēnei anō i te wairua o Hine Pū te Hue. Ko te hue e whakaaturia nei he takoha nā Hirini Melbourne ki Te Papa i te tau1997, he taonga nō te kohinga puoro a Haumanu.