Taewa Māori 

I mua i te taenga mai o te Pākehā ki Aotearoa ki te noho i te takiwā o te tau 1840, he kai matua kē te taewa a te Māori. He kupu ingoa tōpū te kupu taewa mō ngā momo rīwai Māori – he kohinga o ngā momo nō te whānau Solanum tuberosum i whakatupuria rā e te Māori mō ētahi tau 200.

E whakaae ana te Māori, i mauria mai ētahi momo e ngā kaihōpara o mua, e ngā kaihopu kekeno, kaihopu tohorā i roto i te rautau tekau mā waru.  He kōrero tuku iho hoki ā rātou e pā ana ki te tipu o te taewa i konei i mua noa atu i taua wā.

He mahi matua ki te iwi te whāngai i a rātou anō, nō reira te kaha papānga o te humi, o te kore humi rānei, o ngā kai matua pērā i te taewa ki te oranga o te Māori o neherā. Engari, nō ngā tau 1800 te taewa i noho ai hei huanga kai hokohoko mō te Māori, me tōna tūnga hiranga i te tīmatanga o tā ngāi Māori whai wāhi atu ki ngā pūnaha ohaoha Uropi.

I nō nā tata mai nei, i ngaro atu ētahi momo taewa, engari nā te rangahau me ētahi kaupapa ahumāra taketake, kua ora ētahi momo taewa torutoru.

KaruparerāKaruparerā

He poroporo te kiri me ngā karu mā, hōhohu hoki - he porowhita. Ko tā te ingoa he whakarite i ēnei taewa ki ngā karu o te parera.
He pai mō te pāera, mō te tunu me te huri hei kotakota rīwai. He ukauka 

HuakaroroHuakaroro

He kahotea te kiri, me te kiko. Ko te ngao he rite ki te pāta.
He pai mō te pāera, mō te tunu me te huri hei kotakota rīwai. He ukauka
  

RaupīRaupī

He porowhita te āhua, he kōtingotingo te kiri ki te kōwhai me te tawa. He kahotea te kiko, ka pai rawa te kakano.
He pai mō te pāera, mō te tunu me te huri hei kotakota rīwai. He ukauka  

MoemoeMoemoe

He whaikano te kiri me te kiko kahotea, whai tauira hoki.
He pai mō te pāera, mō te tunu me te huri hei kotakota rīwai. He ukauka 

TutaekuriTutaekuri

He kōpura roa pērā i te uwhi. He poroporo te kiri, he poroporo hoki te kiko.
He pai mō te tunu me te huri hei kotakota rīwai. Ka tere pāeratia. He ukauka noa nei.

 Images courtesy of Nick Roskruge