Te Uhi a Mataora 

Te Uhi Mataora

Ko Te Uhi a Mataroa he ohu ā-motu o ngā kaitoi tā moko i whakatūria ai i te tau 2000 ki te tohu me te whakawhanake i te tā moko hei momo toi ora. Tokomaha ēnei kaitoi tautōhito he whakairo tā rātou mahi i mua, ko ētahi atu he mātanga hoahoa. Kei te tiritiri rātou i te mōhio hōhonu ki ngā āhua me ngā hoahoa taketake.

Kua whakawhanaketia e Te Uhi he kaupapa pakari mō tēnei mahi, te tā moko. Kei te whakarato tēnei kaupapa i ngā paenga me ngā aratohu: te whakaute ki ngā tikanga me ngā mahi tuku iho; te whāngai i te oranga ā-tinana, te oranga wairua me te oranga aronganui; te whakarite kia noho hauora, haumaru te kaiwhiwhi moko.

He mahi mō roto i ngā hapori Māori te tā moko, ā, ko tā Te Uhi he whakapakari i te mātau ki tēnei momo toi i roto i ngā hapū me ngā iwi. He kaha hoki te aro mai o te ahumahi tā moko o tāwāhi ki ngā hoahoa tā moko o konei. Kei te ū a Te Uhi ki te tiaki i te mana whakairo hinengaro o te tā moko, ki te whakarite kia mahia te mahi nei i runga anō i te pono.

Tuatahi, he kaha a Te Uhi ki te mau ki ngā tikanga o mua. Tuarua, ka titiro ki ngā wā kei te heke mai e whanake haere tonu ai te toi tā moko.