Pisupo lua afe (Corned Beef 2000) 

Pisupo lua afe (Corned beef 2000) 1994, Tuffery, Michel (1966–&nbsp;), Wellington. Purchased 1995 with New Zealand Lottery Grants Board funds. © Reproduced courtesy of the Artist, <A href="http://www.micheltuffery.co.nz/" target="_blank"> Michel Tuffery</A>.  . Te Papa
Pisupo lua afe (Corned beef 2000) 1994, Tuffery, Michel (1966– ), Wellington. Purchased 1995 with New Zealand Lottery Grants Board funds. © Reproduced courtesy of the Artist, Michel Tuffery. . Te Papa

Curriculum links

Ngā tino wāhi ako

Ngā Toi, Tikanga ā-iwi

Ka noho i raro i ēhea whenu?

  • Ngā Toi - Toi Ataata – Tūhura, Mōhiotanga, Maioha
  • Tikanga ā-iwi – Ahurea me ngā Taonga Tuku Iho

Ngā tino pūkenga

Ngā Pūkenga Whakawhitiwhiti Whakaaro, ngā Pūkenga Mōhiohio, me ngā Pūkenga Hīraurau Hopanga

Ngā reanga

Kōeke 1-4 (Ngā Toi), Taumata 1-8 (Tikanga ā-iwi)

Ngā tau

1-13

E tautoko ana i ēhea kaupapa kōrero?

  • Ngā Mahi Toi o Aotearoa me ngā Kaimahi Toi o nāianei
  • Ngā Taonga Nui mai i Aotearoa
  • Te Pāpori o Te Moana-nui-a-Kiwa, o mua, o nāianei hoki.

Ki runga ano

E hia te roa o tēnei mahi?

Me whakarite te 10-15 meneti.

Ka kimihia ki hea?

  • Te Papa tuawhā, Mana Pasifika- kimihia I ngā rākau kokonati!
  • Kua ngaro koe? Me pātai ki tētahi Kaimanaaki Manuhiri.

He aha te take me heri au i taku akomanga ki tēnei taonga?

  • Kia kitea ai tētahi whakapakoko nā tētahi o ngā tino kaimahi toi o te Moana-nui-a-Kiwa, nō Aotearoa.
  • He tino tauira tēnei o tētahi o ngā mahi toi o ēnei rā, i mahia ai ki ngā rawa kua hangaruatia.

Ki runga ano

He aha ngā mahi kei taua whakaaturanga?

  • Titiro ki tēnei mahinga toi o ēnei rā me kore e kitea ngā tīwhiri ā-whatu i whakamahia ai e te kaimahi toi hei whakaputa i ana whakaaro.
  • Whakaritea tēnei taonga toi ki ngā taonga toi tuku iho i te whakaaturanga i Mana Pasifika.

Me aha taku mōhio ki tēnei whakaaturanga?

  • Ko te Pisupo lua afe (Corned beef 2000)tētahi ōkiha, he mea hanga nā Michel Tuffery ki ngā tini mīti minatote, kua oti te whakapāraharaha.
  • He maha tonu ngā tikanga tuku iho e pā ana ki te whakawhitiwhiti koha, i ngā moutere o Te Moana-nui-a-Kiwa, me ngā hapori Pasifika o Aotearoa. Ahakoa rā, kua piki haere anō te pīrangi o te tangata ki ngā tini pisupo, arā, ngā tini mīti minatote hei koha i ngā mārena, i ngā tangihanga, i ngā hākari me ērā atu rā nunui. He mea nui hoki te pisupo i waenga i ngā kai o Te Moana-nui-a-Kiwa, otirā i roto i ngā ahurea o reira.
  • Whakamōmonatia ai te kau i ngā moutere o Te Moana-nui-a-Kiwa, engari ko te nuinga o te pisupo he mea hoko mai i tāwāhi.
  • I puta a Pisupo lua afe (Corned beef 2000)i tētahi whakaaturanga o ngā mahi a ngā kaimahi toi, he uri katoa nō te Moana-nui-a-Kiwa, i kīia rā ko Bottle Ocean. Nā tēnei whakaaturanga i whakawātea te huarahi ki ngā kaimahi toi o te Moana-nui-a-Kiwa kia whakaputa whakaaro mō te ahurea Pasifika hou.
  • He kaimahi toi a Michel Tuffery nō te Moana-nui-a-Kiwa, nō Hāmoa tōna whaea, he Pākehā tōna matua tāne. Ko tētahi o ōna rerenga nō ngā Kuki Airani, nō Tahiti hoki. Mahi ai a Tuffery ki ētahi momo toi rerekē i ana mahi – ki te mahi tā whakaahua, ki te mahi tā pānui, ki te tā ki te papa rākau, ki te tā kōhatu, ki te whakairo, ki te hoahoa papa whakaari, me ētahi toi mahi whakangahau.
  • Mā te hanga ōkiha mīti minatote, kei te kōrero a Tuffery mō te pānga o ngā mahi tauhokohoko me ngā ōhanga whenua maru ki ngā ahurea o Te Moana-nui-a-Kiwa. Otirā, kei te titiro ia ki tētahi taonga ka hokona mai i tāwāhi, ka noho hei taonga taketake i roto i ngā tikanga o ngā ahurea Pasifika, ā, i ētahi wā kua mahue ngā taonga tūturu ki muri, kua wareware. Ko tētahi pātai ka ara ake mā roto i te ōkiha a Tuffery, tēnei kararehe kāore i tino whakamōmonatia i ngā rā o mua i ngā moutere o Te Moana-nui-a-Kiwa, mehemea kei te whakapakari ngā taonga mai i tāwāhi i tō rātou mana motuhake, kei te whakaiwikore rānei i ngā moutere.

Ki runga ano

Ētahi kaupapa hei matapakinga pea

  • He aha ngā rawa kua whakamahia e te kaimahi toi, he aha ai? (Otirā, kua whakamahia e Michael Tuffery ētahi tini mīti minatote hei whakaatu i te mahi a tētahi taonga ka hokona mai i tāwāhi, kua noho hei taonga taketake i roto i ngā tikanga o ngā ahurea Pasifika.)
  • He aha ētahi atu rawa hangarua e taea ai tēnei ōkiha te hanga? He mea anō hei tāpiri māu mehemea ko koe te kaiwaihanga?
  • Mehemea ka haria mai tēnei whakapakoko ki ngā horopaki o Aotearoa, he aha pea te momo whakapakoko ka hangaia e koe, ā, kua mahia ki te aha?

Ngā kōrero kīnaki

  • Pisupo lua afe (Corned beef 2000) in our collections
  • Tai Awatea | Knowledge Net, te pātengi raraunga ipurangi o Te Papa.
  • Mallon, S, rāua ko Pereira, P F (etita). 1997. Speaking in Colour. Te Whanga-nui-ā-Tara: Te Papa Press.
  • Walker, T. 1994. Everything is Connected: The Art of Michel Tuffery. Art New Zealand, nama 70, Ngahuru, pp64-7.
  • Te Moemoea no Iotefa: The Dream of Joseph: a Celebration of Pacific Island Artists. 1990. Wanganui, Sarjeant Gallery.
  • 2004. Icons Ngā Taonga: From the Collections of the Museum of New Zealand Te Papa Tongarewa. Te Whanga-nui-a-Tara: Te Papa Press.

Ki runga ano

He taonga whai pānga

Ki runga ano