Te Whare whakahura o PlaNet Pasifika 

PlaNet Pasifika

Curriculum links

Ngā tino wāhi ako

  • Tikanga ā Iwi
  • Hangarau
  • Ngā Toi

Ka noho i raro i ēhea whenu?

  • Tikanga ā Iwi - Te Ahurea me te Tuku Ihotanga, Te Wāhi me te Taiao
  • Te Hangarau - Te Hangarau me te Porihanga
  • Ngā Toi - Ngā Mahi a te Rēhia, Toi Puoro, Toi Ataata

Ngā tino pūkenga

Ngā Pūkenga Whitiwhiti Kōrero, Ngā Pūkenga ā-Tinana, Ngā Pūkenga Hīraurau Hopanga, Ngā Pūkenga Mōhiohio

Ngā reanga

1-4

Ngā tau

1-8

Ki runga ano

E tautoko ana i ēhea kaupapa kōrero?

  • Te Pāpori o ngā Moutere o Te Mona-nui-a-Kiwa, o Mua, o Nāianei Hoki
  • Kōrero Pūrakau
  • Ngā Tirohanga Hou, Ngā Taonga Hou 

E hia te roa o tēnei mahi?

15-20 miniti ka pau ki te toro i PlaNet Pasifika

Ki runga ano

Ka kimihia ki hea?

  • Te Papa tuawhā, Mana Pasifika - kimihia ngā rākau kokonati!
  • Kua ngaro koe? Me pātai ki tētahi Kaimanaaki Manuhiri. 

He aha te take me heri au i taku akomanga ki tēnei taonga?

  • Ko te PlaNet Pasifika tētahi o ngā Discovery Centres e whā kei Te Papa e whakarato ana i te wāhi pāhekoheko me ngā kōrero nō Te Moana-nui-a-Kiwa.
  • He huarahi rekareka ki te whakamaioha ki te Te Moana-nui-a-Kiwa o mua, o nāianei hoki.
  • Ka whakaritea he kaimanaaki o Te Papa ki te tohutohu me te āwhina i a koe.

Ki runga ano

 

He aha ngā mahi kei taua whakaaturanga?

  •  Me whakamātau ki te hoahoa i tō koutou ake tatau (moko) Hāmoa.
  • Titiro ki te fale rangahau mō ngā pukapuka me ngā rauemi rorohiko mō Te Moana-nui-a-Kiwa.
  • Whakarongo ki ngā oro ātaahua o te puoro nō Te Moana-nui-a-Kiwa, titoa rānei tētahi waiata māu mā te whakamahi i ngā pahū o Te Moana-nui-a-Kiwa.
  • Ākona ngā tūmomo kākahu o Te Moana-nui-a-Kiwa, ka whakamau ai hoki i aua kākahu.
  • Titiro ki te āhua hanga i te fale Hāmoa.
  • Waihangatia tō ake tauira tīvaevae Rarotonga ki runga i te pakitara.
  • Tākarotia ētahi kēmu nō Te Moana-nui-a-Kiwa, kaurukuhia rānei he pikitia nō Te Moana-nui-a-Kiwa.
  • Titiro ki te vaka, ka ako ki te rere moana puta noa i Te Moana-nui-a-Kiwa.
  • Āta titiro ki te Treasure Chest ki te mōhio ki te āhua whakamahi a ngā tāngata o Te Moana-nui-a-Kiwa i te aumoana.
  • Me whakamātau ki te hanga lei.
  • Titiro ki ngā mahi toi tamariki mai i te whānuitanga o ngā kura o Aotearoa.

Ki runga ano

Me aha taku mōhio ki tēnei whakaaturanga?

  • Ko te PlaNet Pasifika tētahi o ā mātou Discovery Centres e whā kei Te Papa, kei te papa tuawhā, tata ki Golden Days.
  • E titiro hāngai atu ana a PlaNet Pasifika ki ētahi moutere e whitu o Te Moana-nui-a-Kiwa, arā, ko Hāmoa, Tonga, Whītī, Rarotonga, Tuvalu, Niue me Tokelau. 

Ētahi kaupapa hei matapakinga pea

  • Matapakia ētahi o ngā rerekētanga ahurea e kitea ana e koe i waenga i ngā ahurea rerekē o Te Moana-nui-a-Kiwa, pēnei i ngā reo, ngā kai, ngā kākahu, ngā tikanga, ngā aha, ngā aha.
  • Titiro ki te āhua i hangaia ai te fale Hāmoa i PlaNet Pasifika. He pēhea te ōrite o tēnei ki te te āhua hanga whare i Aotearoa nei? Me titiro pea ki te whare nui, ki Te Hau ki Tūranga, ki te whare puni o Mākōtukutuku rānei i te whakaaturanga Mana Whenua kei te Papa Tuawhā. Whakatauritea ngā rawa hanga, te teitei o ia whare, ngā huanga whakarākei, ngā aha atu. Titiro ki ngā whakaahua o te hanga i te fale kei te fale rangahau.
  • He pēhea te rerekē o tō whare ki te fale Hāmoa? He aha pea i pēnā ai?
  • Tapaina ngā wahanga rerekē o te rākau kokonati. He aha ngā painga o te rākau kokonati? He aha te take i tapaina ai te rākau o te ora? He rauemi hira te kokonati mā ngā tāngata o Te Moana-nui-a-Kiwa; whakamahia ai ngā wāhanga hei kai, hei whakaruru, hei wai inu, hei wahia, hei whakamahi anō hoki i ngā kākahu, i ngā kete, i ngā whāriki, i ngā taura, i ngā taputapu hoki. Tukipū ana te rākau kokonati i ngā kōrero o Te Moana-nui-a-Kiwa - ka whai wāhi nui atu te rākau kokonati i ngā wāhanga katoa ngā ahurea o Te Moana-nui-a-Kiwa. Koinā ngā take i kīia ai te kokonati hei Rākau o te Ora. Ko ngā wāhanga o te kokonati ake ko te anga, te pakere, te kiri me te copra (te kiko kei roto i te kokonati). Kāore he kaupeka o te rakau kokonati, tipu torotika mai ngā rau i te kātua.
  • Titiro ki ngā matau i ngā toroa kei te pouaka Pacific Treasure Chest, me te kimi i te maimoa tukutuku pungāwerewere. He aha te rite o ēnei matau, tētahi ki tētahi? He aha ngā rerekētanga? I hangaia ki te aha?
  • Titiro ki te āhua hanga papanga tapa. Mahia ai te papanga tapa i ēhea moutere o Te Moana-nui-a-Kiwa? He rerekē te āhua mahi tapa ki ia moutere? E mahia ana te tapa i ngā moutere o Hāmoa, Tonga me Whītī. Kei Hāmoa, ko Siapo te ingoa o te tapa. Kei Tonga, ko te Ngatu te ingoa. Kei Whītī, ko te Masi te ingoa. Ahakoa he āhua ataata ahurei tō tēnā moutere, tō tēnā moutere, āhua rite te momo mahi i ia moutere. Ka tīhoretia te kiri rākau o roto i te rākau aute, kātahi ka tōpunitia, ka patua ki te kuru ki te mahi i ētahi hiti papanga taketake, i te takiwā o te 300 mm mā te 3-4000 mm te horahanga. Kātahi ka honoa aua hiti, ka whakanakonakotia i ngā āhua e tauwhāiti ana ki ia moutere.
  • He aha te take i pēnei ai te hira o te vaka ki ngā tāngata o Te Moana-nui-a-Kiwa? Kua panoni haere te hiranga o te vaka puta noa i te wā? Nō neherā he tino nui te vaka nō te mea ka karapoti ngā moutere i te tahora nui o te moana, nō reira he mea tino nui ngā vaka mō te kawe tangata, kawe taonga me te hī ika. Nā te tipu mai o ngā hangarau kawe tangata me te hangarau hopu ika ka iti haere te hira o ngā vaka, engari he mea nui tonu ēnei ki ngā tāngata o Te Moana-nui-a-Kiwa.
  • Kua haere kē tētahi o koutou ki tētahi moutere o Te Moana-nui-a-Kiwa? He aha ngā mea rerekē, ngā mea rite tonu rānei o taua moutere ki Aotearoa?

Ki runga ano

Ngā Kōrero Kīnaki

He Taonga Whai Pānga

  • Te whakaaturanga o Mana Pasifikakei te papa tuawhā. Ka kite koe i ētahi atu taonga nō Te Moana-nui-a-Kiwa.
  • Te wharenui o Te Hau ki Tūranga me te wharepuni o Mākōtukutuku kei te whakaaturanga o Mana Whenua, kei te papa tuawhā.
  • Te waka o Te Aurere Iti kei te whakaaturanga o Mana Whenua kei te papa tuawhā - tētahi tauira o te momo waka hourua i whamahia ai e ngā kaumoana ki te rere mai ki Aotearoa nei.

Ki runga ano