Whakapaparanga raro iho o te kaipuke, kei Passports 

Curriculum links

Ngā tino wāhi ako

Tikanga ā Iwi

Ka noho i raro i ēhea whenu?

  • Te Ao Hurihuri· 
  • Te Wāhi me te Taiao
  • Te Ahurea me te Tuku Ihotanga 

Ngā tino pukenga

Ngā Pūkenga Mōhiohio, Ngā Pūkenga Whakawhitiwhitinga Kōrero

Ngā reanga

1-8

Ngā tau

1-13

Ki runga ano

E tautoko ana i ēhea kaupapa kōrero?

  • Ngā Parekura
  • Te Hītori o Aotearoa
  • Ngā Tirohanga Hou, Ngā Taonga Hou

 

E hia te roa o tēnei mahi?

Tekau mā ono miniti te roa.

Ki runga ano

Ka kimihia ki hea?

  • Te Papa tuawhā, anganui atu I te Wāhi Hāpori, tata atu I te motoka ngaru rino o Holden HQ.
  • Kua ngaro koe? Me pātai ke tētahi Kaimanaaki Manuhiri.

He aha te take me heri au i taku akomanga ki tēnei taonga?

  • Kuhu mai ki roto i te toa otaota e ora ana i ngā pō. Kia raka ngā kuaha, kia katia ngā ārai, ka ora ngā wāhanga rerekē o te toa.
  • He hītori whakamīharo, aronganui o Aotearoa, e kōrerotia ana mā ngā mīhini karetao, mā ngā kiriata me te pūoro.
  • He huarahi torotoro i ngā wā nui i te hītori o Aotearoa tērā e pai ki ngā tāngata e ako ana mā te titiro me te whakarongo.
  • E hangaia ana he hononga i waenganui i ngā wā nui i te hītori o Aotearoa, ko ngā aronganui te papa - ngā wā hiranga, te papā, ngā whai whakaarotanga - ehara kē i te huarahi raupapa ā-wā huri noa i te hītori.
  • Kimihia tētahi tikanga hou ki te titiro ki te hītori me te torotoro i ngā hononga i waenga i ngā taonga whaiaro a te tangata me ōna ake pūmaharatanga.

Ki runga ano

He aha ngā mahi kei taua whakaaturanga?

  • Haere ki te whakaaturanga nei, ka mātakitaki i tēnei haerenga ki ngā rā o mua.
  • Tirohia e hia ngā wā, ngā tāngata me ngā wāhi ka taea e koe te mahara, me te kite anō i ngā mea i ākona e koe i te kura.

Ki runga ano

Me aha taku mōhio ki tēnei whakaaturanga?

  • Kua mau i te whakaaturanga o Golden Daysngā wā i hangaia ai te whenua nei o Aotearoa, e whakapiki atu ana i ngā whakaaturanga i tino paingia pēnei i 'This is Your Life', 'The Way We Were', 'Country Calendar' me 'Heartland'.
  • E whakaata ana a Golden Days i ngā taonga tuku iho o Aotearoa i runga i te huarahi whaiaro e ahurei ana, e whakaaroha ana. E whakanui ana i tō tātou wairua manene, mai i te whakatō i te whenua, i te whakatipu i ngā ngahere me te piki haere o tā tatou tuku rawa ki tāwāhi, me te whakamahi i ā tātou rauemi hiko rarahi, ki ngā mea rongonui ake: ko Tā Edmund Hillary, Black Magic, Billy T James, Howard Morrison, te pōtitanga mā ngā wāhine, ngā whare noho me te tūrangahakoa hauwhā eka - me te taraiwhara hei kīnaki. Tatari atu mō William Pickering, tētahi tino tangata i te whakarewatanga anitu tuatahi o te waka ātea ki te taurangi; mō Grant Fox, tētahi Pango Katoa tawhito, te kāpura i te toa o Ballantynes, ko Ballantynes tētahi toa nui kei Ōtautahi i pau katoa i te ahi i te tau 1947, ā, ka patu i ētahi kaimahi e 41. Tatari atu hoki mō Jonah Lomu, e rua ōna putanga mai i roto i Golden Days, mō te pakekura o te Wāhine, me te wāhine kaiwhakakite kahu rongonui, ko Rachel Hunter.

 

Ētahi kaupapa hei matapakinga pea

  • I mua i te kuhunga atu ki roto i Golden Days, me kī ki tō rōpū kia mau ērā wāhanga o te whakaaturanga kāore e mārama ana ki a rātou i roto i ō rātou hinengaro, me te patapatai mō aua mea i te putanga mai anō. Ka āhei anō rātou ki te pupuri i te hinengaro ērā mea e mōhio ana rātou me te tiritiri i ēnei i muri ake. Ko te tikanga, ka mōhio pea ngā pākeke ki ētahi wāhanga o te whakaaturanga, ki ētahi whakapuakanga rānei, kāore i te mārama ki ngā tamariki (hei tauira, te wā i kuru whakararotia ai te pōro kirikiti).
  • Ki tō whakaaro, ka pēhea te nekeneke o ngā mea? Kei te wheako Golden Days ētahi mea tērā e whakarite ana kia whakahaeretia te whakaaturanga ia rā, ia rua tekau miniti. E whakaaturia ana te ataata mā tētahi pūrere whakaatu DVD, he rite pea ki te pūrere kei tō kāinga. O ngā mea e nekeneke ana, he pūrere hiko iti tō ētahi hei whakanekeneke, hei whakaora, he pūrere pūngao-hau tō ētahi atu hei whakanekeneke. Tāpiri atu, he rorohiko iti tērā e whakamōhio ana i te pūrere whakatu DVD koinei te wā whakaatu me te wa nekeneke mō ngā pūrere. E rua hoki ā mātou miraka i te kau ia rā, ia rā.
  • E tohu ana te pōro kirikiti i te aha? E tohu ana taua pōro i tētahi mahi rongonui i te whakataetae o te Benson and Hedges World Series Cup Cricket i te tau 1980-81 i waenga i Aotearoa me Aihitereiria. I te epaono whakamutunga ka whakahau te kapene, ko Greg Chappell, i tana teina, ki a Trevor ki te kuru whakararo, nō te mea e hiahiatia ana ētahi oma e ono e Aotearoa kia toa ai.
  • He aha te tūmomo manu kei roto i te korapa? He tūī taua manu, ā, e whakamahia ana tana tangi hei tangi manu i mua i te Morning Report , i Reo Irirangi o Aotearoa.
  • He aha te mea tino pai ki a koe? He aha ai?· He aha te mea kāore i pai a koe? He aha ai?

Ki runga ano

Ngā kōrero kīnaki

  • He kore utu a Golden Days.
  • Ka whakaatu mai a Golden Daysia rā, ia rua tekau miniti (kei te haora, kei te rua tekau pāhi i te haora, kei te rua tekau meneti ki te haora).
  • Ka taea te whakaaturanga Golden Days te tono i te rā tonu o tō toronga anake, kaua i ngā rā, i ngā wiki rānei i mua i tō haerenga. Mēnā ka pīrangi koe ki te tono kia mātakitakitia te whakaaturanga e tētahi rōpū, me kōrero ki te kaimanaaki o Golden Daysi tō taenga mai ki Te Papa ki te whakarite i te wā pai ki a koe.
  • Ko ngā ōwehenga o te pakeke ki te tamariki e tūtohua ana - kura tuatahi 1:6, kura tuarua 1:20
  • Ko te tokomaha e whakaaetia ana i roto i Golden Daysko te 22.
  • Putanga mā ngā kōrea
  • http://www.historic.org.nz/- tētahi pae tukutuku nā Te Pouhere Taonga
  • http://www.nzhistory.net.nz- Ngā hono ki ētahi atu pae tukutuku o ngā mahi onamata o Aotearoa nei.
  • http://www.dnzb.govt.nz/dnzb/ - te koioranga o ngā tāngata me ngā wā rongonui o Aotearoa.

 

He taonga whai pānga 

  • Te Motopaika Britten kei te papa tuawhā, tata ki ngā ararewa matua. I hanga a John Britten i tēnei motopaika rongonui, kei te wāhanga tenenga o Golden Days.
  • On the Sheeps Back, kei te papa tuawhā. He wāhi nui tō ngā hipi ki te pāpori me te ohaoha o Aotearoa, nō reira he hira te wāhi o ngā hipi i te whakaaturanga Golden Days. Neke atu te maha o ngā hipi i ngā tāngata kei Aotearoa, ko te wūru tētahi o ā mātou rawa nuunui e tukuna ana ki tāwāhi.
  • Te Rū Whenua o Ahuriri - Awesome Forces, kei te papa tuarua. He tino wāhi tō te rū whenua o Ahuriri i te wāhi parekura o Golden Days

Ki runga ano