Tiger Moth 

DH82a Tiger Moth, ZK-AJO 1941, de Havilland (NZ) Aircraft Co. Ltd, Wellington. Purchased 2009. Te Papa
DH82a Tiger Moth, ZK-AJO 1941, de Havilland (NZ) Aircraft Co. Ltd, Wellington. Purchased 2009. Te Papa

Curriculum links 

Ngā tino wāhi ako

Tikanga ā-Iwi

Ka noho i raro i ēhea whenu?

  • Te Wāhi me te Horopaki
  • Ngā Rauemi me ngā Ngohe Ōhanga

Ngā tino pūkenga

Ngā Pūkenga Whakawhitiwhiti Whakaaro, ngā Pūkenga Mōhiohio, ngā Pūkenga Pāpori me ngā Pūkenga Pāpori, Pāheko hoki

Ngā reanga

1-8

Ngā tau

1-13

E tautoko ana i ēhea kaupapa kōrero?

  • Ngā Hangarau Hou o Aotearoa
  • Ngā Whakahoutanga me ngā Tenenga
  • Ngā Taonga Ingoa Nui mai i Aotearoa

Ki runga ano

E hia te roa o tēnei mahi?

Me whakarite te 5-10 meneti

Ka kimihia ki hea?

  • Te Papa tuawhā, tata ki te motoka ngaru rino o Holden HQ
  • Kua ngaro koe? Me pātai ki tētahi Kaimanaaki Manuhiri.

He aha te take me heri au i taku akomanga ki tēnei taonga?

  • Ka uru noa mai te karaihe katoa ki te taha, ki raro hoki i tēnei taonga.
  • Ki ngā whakaaro o te tini tangata ko te Tiger Moth tētahi taonga rongonui nō Aotearoa ake.
  • Arā anō ngā mahi rerekē o tēnei waka rererangi i a ia e mahi tonu ana.

Ki runga ano

He aha ngā mahi kei taua whakaaturanga?

  • Titiro ki te rererangi, whakamahia hei take kōrero.
  • Matapakihia ngā tikanga hoahoa, ngā whakahoutanga, me ngā taonga ingoa nui.

Me aha taku mōhio ki tēnei whakaaturanga?

  • Rērere ai ngā Tiger Moth i ngā rangi o te ao mai i te tau 1931.
  • He mea hoahoa ēnei rererangi e te kamupene o De Havilland i te wā o te Pakanga Tuarua.
  • Ko te pūkaha o tēnei rererangi he pūkaha whā puoto whakarārangi e mōhiotia nei he De Havilland Gypsy Major.
  • I hangaia i te tauranga rererangi o Rongotai i Pōneke i te tau 1941 – tata ki te 400 ēnei rererangi hangaia i reira hei akoako i ngā kaiwhakarere rererangi o Aotearoa mō te pakanga.
  • Ka taea tonutia tēnei rererangi te whakarewa e te tangata.
  • I whakamahia tēnei rererangi hei ako i ngā kaiwhakarere mō te pakanga, ā, i te tau 1949, ka huri hei rererangi tiritiri pūoneone ki ngā whenua pāmu o Aotearoa.
  • I whakarerekētia te rererangi nā te whakakapi i tō mua nohoanga (tō te akonga kaiwhakarere rererangi) ki tētahi paepae nui mō ngā pūoneone.  Heoi anō tā te kaiwhakarere rererangi, he kukume i tētahi puritanga hei tuku i te kawenga nui.
  • I mahi tēnei Tiger Moth mō te nuinga o ōna tau i Waikato/Manukau, e 28,000 tana pūoneone i makere i a ia i ngā whenua pāmu mai i 1949, taea noatia tōna whakamutunga i te tau 1956.
  • Ka taea e te rererangi nei te haere mō te 459 kiromita.
  • Ko te mōrahi o te tere o te rererangi e 175 kiromita ia haora.
  • Ko te tere o te rere rōnaki o te rererangi e 145 kiromita ia haora.
  • Ko te taumaha o te rererangi kāore ōna utanga e 506 kirokaramu.
  • Ko te taumaha o te rererangi ina utaina ki te taonga e 828 kirokaramu.

Ki runga ano

Ētahi kaupapa hei matapakinga pea

  • Matapakihia ngā mahi rerekē o tēnei rererangi – te akoako i ngā kaiwhakarere mō te pakanga, me ngā mahi tiritiri pūoneone kia whai hua ai te whenua.
  • Matapakihia ngā painga o tēnei mea te rererangi hei waka kawe pāhihi, kawe taonga. Whakakōrerotia ngā tamariki kia puta i a rātou ētahi whakaaro mō ētahi atu waka rere, pēnei i te rererangi moana, i te waka whakatopa rānei.
  • Matapakihia ngā āhuatanga o te whenua o Aotearoa kua tino rerekē i ngā momo rererangi pēnei. (Inā koa, nā te mahi tiritiri pūoneone.) He aha ētahi atu taputapu i tino rerekē ai te whenua? (Inā koa, te tarakihana me te parau.)
  • Whakaritea tēnei rererangi ki ngā rererangi hou, whakamahia ngā ākonga kia whakaatu i ngā rerekētanga o ngā rererangi o nāianei, i ō mua rererangi.  (Whakatauritea ngā parirau takirua o tēnei rererangi ki ngā parirau tapatoru o te Stealth bomber. Tētahi, whakatauritea ngā pūkaha penehīni tawhito ake ki ngā pūkaha pūtororē o nāianei.
  • Whakakōrerotia ngā ākonga pakeke ake kia matapaki, kia whakaatu rānei i te āhua o ētahi o ā rātou haere ā-rererangi. I haere rātou ki hea, he aha ai? He hararei rānei te take? He aha ētahi atu take mō te haere mā runga rererangi?
  • Me i āhei ngā ākonga te rere ki hea o te ao nei, kua haere ki hea? He aha ai? He aha ngā taonga ka haria e rātou (kia mahara koe kāore i te tino nui ngā wāhanga wātea o te tinana rererangi)?
  • Whakakōrerotia ngā ākonga kia matapaki i te tikanga o tēnei kōrero, he taonga ingoa nui (he taonga e waitohutia ai a Aotearoa ki te ao). He taonga ingoa nui tēnei nō Aotearoa? He aha ai?
  • Ka taea pea te kī ko tēnei rererangi hei waitohu mō te auaha o ngā uri o Māui-atamai, e kīia nei 'Kiwi ingenuity'? (Kua whakarerekētia te mahi matua o te rererangi, mai i te ako i ngā kaiwhakarere ki te ārahi rererangi pakanga, ki te mahi tiritiri pūoneone hei whakamōmona i te whenua.

Ngā kōrero kīnaki

Ki runga ano

He taonga whai pānga

  • Te tuahiwi o Phar Lapi te Papa 4. I toa tēnei hōiho rongonui i te tini o ōna whakataetae.
  • HQ Holden nā Jeff Thomson i te Papa 4. He waka rongonui nō Aotearoa. Titiro ki te kōnae o Te Papa Investigator.
  • Ko te waka Teremoe i te Papa 4. He waka Māori rongonui.

Ki runga ano