Ngā hōtaka Reo Māori  

Brian Brake Workshop
Brian Brake workshop
 

Nei rā te karanga ki a koutou katoa. Nau mai, whakatau mai ki Te Papa Tongarewa, ki raro i te maru o ngā hōtaka reo Māori.   

Tūhono mai ki ngā hōtaka hou e aro atu ana ki ngā kōrero ā-iwi huri noa i te motu, arā, i ngā taonga tuku iho e tiakitia nei e Te Papa Tongarewa, kei raro hoki i te marumaru o Te Marautanga o Aotearoa.

E toru ngā wāhanga matua mā ia hōtaka;

Te WhakatōHe hui ā-ataata tēnei, he mihi whakatau i ngā ākonga. Ka whakapuakina ngā whāinga mō tēnei hōtaka ako, ka whakatō i ngā kākano mātauranga.

Te Whakatipu Ka tau mai tō kura ki Te Papa, kātahi ka aro tātou ki ngā taonga me ngā whakaaturanga e kawe ana i ngā kōrero tuku iho a te Māori. Ka tau tētahi wero, mā koutou e whakaoti ā te hokinga atu ki te kura.

Te Hauhake – He hui ā-ataata anō tēnei, ka kōrero tātou mō te wero, ka whakaatu mai koutou i ngā whāinga o te wero nei.

Doll circa 1930, Murray, Bessie (1887–1956), Taihape. Gift of Mr and Mrs I C Ferguson, 1989. Te Papa
Doll circa 1930, Murray, Bessie (1887–1956), Taihape. Gift of Mr and Mrs I C Ferguson, 1989. Te Papa
He ngāwari te whakatakotoranga o ngā hōtaka nei. Inā whai raru te kura ki te tūhono ā-ataata, ki te tae ā-tinana mai rānei, kaua e māharahara. Waea mai ki a mātou, ki Te Ipu Kāhui Rangi, ka whai tātou i te ara ngāwari mā tō kura.

Kua wāwāhitia ngā hōtaka mō te tau 2013, kia hāngai ki te maramataka Māori. Ka pēnei te whakatakotoranga; 

Ngā Hōtaka Kura Kaupapa

Ngahuru - Toitū te whenua

Matariki - Kimihia, rangahaua

Kōanga - “Kāore te kūmara e kōrero mō tōna ake reka”

Raumati - Ngā Mahi a Rēhia

Ngā Hōtaka Wharekura

Ngahuru - Toitū te whenua

Matariki - Kimihia, rangahaua

Kōanga - “Kāore te kūmara e kōrero mō tōna ake reka”

Raumati - Ngā Mahi a-Rēhia