Ngā Hotaka Wharekura
Kōanga
Te Kaupapa: “Kāore te kūmara e kōrero mō tōna ake reka”
Te Whakatō: (He hui ā-ataata tēnei 45 mins-1 hour)
He iwi auaha te Māori, ā, i huri tōna aro ki te ao i tōna hekenga mai ki Aotearoa. Ka kōrero mātou mō te whakahou tikanga i tēnei whēnua hou. Ka rerekē te tirohanga ki te taiāo, ki āna mahi, ki āna kai, me tōna oranga.
Te Whakatipu: (nau mai ki Te Papa 10am – 2pm)
Ka aro atu ki ngā momo hangarau me ngā pukenga hanga whare, whakatō kai hoki.
Kātahi ka aro atu ki te taonga nei, ki te kūmara. Arā noa atu ngā pūrākau e pā ana ki te kūmara, ngā tikanga me ngā taputapu mō te whakatipu kūmara hoki.
- He aha whakapapa o te kūmara?
- I ahu mai te kūmara i hea?
Ka wehe atu tō kura, ka tau tētahi wero mā koutou. Ka aro atu ngā akonga ki te whakahoahoa i tētahi momo hangarau whakatipu kūmara, pērā ki te timo. Kia tārai katoatia ki te rauemi hangarua.
Te Hauhake: (He hui ā-ataata tēnei 45 mins-1 hour)
Ka hui anō tātou ā ataata ki te aromatawai i te wero i whakatakotohia e mātou. Otirā, ka titiro ki ō whāinga me ngā momo taputapu nā koutou i waihanga ki te kura.
Te wā tuku: Pīpiri - Hereturikōkā
Ngā hononga ki te Marautanga:
- Tikanga ā-Iwi; Te ao hurihuri, Hītori
- Hangarau; Ngā Āhuatanga o te Hangarau, Te Whakaharatau Hangarau
Ngā Tau: 9 – 13
Te utu: $3 te utu mo te hōtaka katoa, ma ia tauira. (kaore he utu ma ngā Kaiako me ngā matua/kaiawhina)
Pātai mai reservations@tepapa.govt.nz