Wharekura - Raumati 

Pütatara (shell trumpet) 1800-1900, Maker unknown, Wanganui. Te Papa
Pütatara (shell trumpet) 1800-1900, Maker unknown, Wanganui. Te Papa
Ngā Hotaka Wharekura

Raumati

Te Kaupapa: Ngā mahi ā-Rehia

Te Whakatō:(He hui ā-ataata tēnei 45 mins-1 hour)

E ai ki ngā kōrero o nehe, ko Tāne Rore te kaitiaki o ngā mahi kapa haka. Ka aro atu te hōtaka nei ki te whakapapa o Tane Rore.

  • He aha i tapaina ai ko ia hei kaitiaki o te mahi nei?
  • He aha ōna pūkenga?
  • He aha ngā momo mahi hei whakanui i a Tāne Rore?

Te Whakatipu: (nau mai ki Te Papa 10am – 2pm)

Ka anga te titiro ki te hunga nā rātou i whakatipu, i whakapakari i ngā pūkenga o Tāne Rore mō te ao whānui. Kātahi ka haere atu ki te akomanga ki te rāwekeweke taonga puoro me te wetewete reo hei tito pao, waiata, haka rānei.

  • Ka titiro ki ngā taonga puoro, ki te rōpū Haumanu
  • Ka titiro ki ngā kaitito waiata me ngā kaupapa whakamanawa i ngā kaitito me a rātou waiata.

Ka wehe atu koutou, ka tau tētahi wero mā koutou. Ka aro atu ngā ākonga ki te whakahoahoa i ētahi momo taonga puoro, pērā ki te kōauau me te pahū. Engari, kia tārai katoatia ki te rauemi hangarua. Kātahi ka tito waiata hei kīnaki i ngā kōrero mō aua taonga, ā, mō Tāne Rore hoki. Ka whakaari mai ki a mātou o Te Papa.

Te Hauhake: (He hui ā-ataata tēnei 45 mins-1 hour)

Ka hui ā ataata anō tātou, ka aromatawai i te wero i whakatakotohia e mātou. Otirā, ka titiro ki ōu whāinga me ngā momo taonga puoro i tāraia me ngā waiata i titoa e koutou.

Te wā tuku: Kohitatea – Huitanguru

Ngā hononga ki te Marautanga:

  • Te Reo Māori; Ā-waha, Ā-tinana
  • Ngā Toi; Ngā mahi ā te Rēhia, Toi Puoro 

Ngā Tau: 9 – 13  

Te utu: $3 te utu mo te hōtaka katoa, ma ia tauira. (kaore he utu ma ngā Kaiako me ngā matua/kaiawhina)

Kia kaha, tuhono mai

Pātai mai reservations@tepapa.govt.nz