Te Papa Cafe.Photographed by Kate Whitley.Te Papa.2010

Hei āwhina hei whakarato 

Manaakitia ana koe e Te Papa, mai i āna kaiāwhina ki ngā wharekai e rua, ngā wharehoko, te whare pukapuka me tōna wāhi toha pārongo, ki te pātengi raraunga rongorau. Āwhina ai mātou i te hunga hauā hunga mate motuhake, ā, mō ngā mātua whai tamariki pakupaku kei te wātea ētahi rūma.

Hei āwhina, tuku pārongo

Pīrangi āwhina koe hei huri haere i Te Papa? Mā ō mātou kaiāwhina koe e ārahi. Mā ō rātou hāte kahurangi, whero rānei, e whāki ko wai rātou.

Kei te Information Desk | Tēpu Pārongo i Papa 2, ngā pārongo hou mō ā mātou whakaaturanga, ngā mahi, me ngā whakaritenga. Ka taea e koe te hoko i te puka ārahi, Te Papa Explorer, he tīkiti rānei mō tētahi o ā mātou haereere o te rā.

Tirohia te rārangi kapi mō ngā haere arahina.

Ngā wharekai

Kīnakihia tō toro i Te Papa ki te tina, inu kawhe kai keke, inu waina rānei i tētahi o ā mātou wharekai e rua, i waenganui i ngā taonga o te motu.

He pārongo anō

Kids Store

Ngā wharehoko

Tomo mai rā ki ngā wharehoko e rua. Kei Te Papa Store (Papa 1) ētahi mahi nā ngā tino kaitoi, kaituhi, kairaranga o Aotearoa. Kikī ana a Te Papa Kids’ Store (Papa 2) i te koha mātauranga mā ngā tamariki.

Toroa te toa ipurangi.

Hunga hauā

Whakatau ai a Te Papa i te hunga hauā, i te hunga mate motuhake. Ka taea e ēnei momo tāngata ngā wāhi whakaatu matua, me ētahi tino whakawaitanga, ā, ka taea anō e rātou te nuinga o ngā wharepaku. Kei te tuku anō mātou i ēnei:

  • tūranga waka mō te hunga hauā
  • ngā haere arahina, ngā kaupapa mātauranga kua āta whakaritea
  • ngā tūru wīra me tētahi kūtā
  • ngā reo ārahi
  • tapaia ngā ataata me ngā piko-whakarongo.

He pārongo anō

Ngā rūma mātua

E rua ngā rūma a Te Papa mō ngā mātua – tētahi kei Te Papa Cafe tata ki te papa tākaro tamariki (Papa 1) tētahi kei te taha o StoryPlace (Papa 2). Kei ngā rūma nei he wāhi tīni kope, tūru whāngai ū, ētahi kare whakamahana pounamu, kai hoki, me ngā puoto. Kei ngā wharepaku wāhine, tata ki Te Marae (Papa 4) ētahi wāhi tīni kope.

Te whare pukapuka

He mātāpuna rangahau, whakaaturanga a Te Aka Matua Library. Pānuitia ngā pukapuka, ngā moheni e pā ana ki ngā whakaaturanga me ngā kohinga a Te Papa. Tirohia ētahi o ngā whakaahua, ka hoko tānga i te kohinga. Hono atu ki Tai Awatea | Knowledge Net, te pātengi raraunga rongorau o Te Papa.

He pārongo anō