Hunga hauā 

Disabilities page

Whakatau ai a Te Papa i te hunga hauā, i te hunga mate motuhake. Ka taea e ēnei momo tāngata ngā wāhi whakaatu matua, me ētahi tino whakawaitanga, ā, ka taea anō e rātou te nuinga o ngā wharepaku.

Kei te tuku anō mātou i ngā tūranga waka, ngā haere arahina, ngā kaupapa mātauranga kua āta whakaritea, ngā tūru wīra me tētahi kūtā, ngā reo ārahi, te tapa i ngā ataata me ngā koropiko-whakarongo.

I mua i tō haerenga mai, ka taea te waea ki te Enquiries Centre +64 (0)4 381 7000 me te whakaatu mai i ō hiahia. I a koe i konei, ki te hia āwhina koe, hia mōhio rānei, uia atu ā mātou kaiāwhina ahakoa te wā. He tikanga ā mātou hei āwhina manuhiri runga tūru wīra, pērā anō mō ērā he mate kē atu, mehemea ka whakarērea te whare.

Ngā tūranga waka

E rima ngā tūranga hauā: e rua kei te taha mauī o te kuhunga ki te tūranga waka, e toru kei te taha mauī ka uru atu ai koe i raro i te tuanui. Ka āhei te hou ki roto i te whare mā te papa tonu kei te tomokanga matua.

He kōrero anō mō te tūranga waka ki Te Papa.

Ngā haere arahina me ngā kaupapa mātauranga

Ka taea ā mātou haere arahina te whakarite mō te hunga hauā, ā, he hāereere ake tā mātou mō ngā tāngata he āhua kāpō. Ka taea anō te whakarite i ā mātou kaupapa mātauranga.

Tirohia te rārangi mō ngā haere arahina.
Pānuitia ā mātou kaupapa mātauranga.

Tūru wīra, kūtā, me te nohanga – uaua te hūnuku

Kei Papa 1 kei Coats, Bags | Koti, Pēke, ngā tūru wīra ā-ringa, ā, he kūtā kei te wātea i te Information Desk | Tēpu Pārongo kei Papa 2. Ka taea e koe ēnei mea te whakatau mā te waea ki Te Papa +64 (0)4 381 7000.

He nohanga kei te nuinga o ngā whakaaturanga, ngā wharekai, me ngā ara hīkoi puta noa i te Muhiama.

Reo ārahi – mō te kāpō

Kei te reo ārahi he kōrero mō ētahi whakaaturanga me ētahi mea ake. Kei te wātea i te reo Ingarihi, Māori, Tiamana mō te $5. He maha ngā whakaaturanga he reo tonu kei te whakaatu i ngā pārongo.

Ngā tapanga me ngā piko-whakarongo – mō te turi

He tapanga kei te nuinga o ngā ataata o te Muhiama. Kei te wātea i ētahi wāhi ngā koropiko-whakarongo, e piri ana te tohu oko-whakamāroto.

Ngā rōpū

Mehemea he rahi tō rōpū hauā, tēnā koa tono mai mō te whakaaturanga Golden Days (pakeke) me StoryPlace (tamariki).

Kikī ana ngā Discovery Centres e whā o Te Papa i te tākaro pāhekoheko, i te rorohiko, i te pukapuka, ā, ka taea te whakanoho i te tini rōpū tamariki whai mate motuhake.

Rapua ētahi atu kōrero mō ngā wāhi tamariki.