Zui: He aha te pānga o te AI ki ngā iringa kupu whare taonga?

Mātakitaki mai i tēnei huitopa mō te whai pānga o te atamai hangahanga (AI) ki ngā iringa kōrero kei ngā whare taonga, kei ngā whare toi. Anei wētahi o ngā pātai ka wānangahia:

• He pēhea te āhua o te whakawhiti kōrero o te atamai hangahanga (AI) mai i te reo Pākehā ki te reo Māori ināianei?

• He aha ngā painga, he aha ngā mate o te whakamāori kōrero mā te atamai hangahanga?

• Ki te whakamahia te atamai hangahanga hei whakamāori kōrero, he aha rā take hei wānanga mā ngā whare taonga, mā ngā whare toi?

Kaikōrero:

Ko Paora Tibble (Pouwhirinaki ā-Iwi i Te Papa) te kaiuiui i tēnei kāhui kōrero:

Ko Te Taka Keegan, he mātanga rorohiko, he Ahorangi Tūhono i te Pūtaiao Rorohiko ki Te Whare Wānanga o Waikato, he Mātanga Rorohiko Te Kāhui Raraunga. Ko ōna tātai heke mai i Waikato Maniapoto, i Ngāti Apakura, i Ngāti Porou, me Ngāti Whakaue.

Ko Tamahou McGarvey, he kaituhi reo Māori i Te Papa Tongarewa. He uri o Tūhoe, o Ngāti Whakaue, o Te Whakatōhea, o Te Whānau a Apanui, o Tauranga Moana.

Ko Te Ingo Ngaia, he kaiwhakamāori, he pouako reo Māori i Taranaki. He mokopuna o Ngā Ruahine, o Taranaki, o Te Āti Awa, o Waikato Maniapoto, o Ngāti Apakura, o Ngāti Porou, o Ngāti Whakaue.